Ղեկավարվելով «Տեղական ինքնակառավարման մասին» Հայաստանի Հանրապետության օրենքի 18-րդ հոդվածի 1-ին մասի 21-րդ կետով, Հայաստանի Հանրապետության Հողային օրենսգրքի 48-րդ հոդվածի 2-րդ կետի 2-րդ պարբերությամբ, ՀՀ Քաղաքացիական օրենսգրքի 620-րդ հոդվածով, և հիմք ընդունելով  2018  թվականի նոյեմբերի 14-ին կնքված  1,0 հա հողամասի վարձակալության պայմանագիրը, վարձակալ Թոռուն Ուսուբի Շամոյանի  հոկտեմբերի 9-ի դիմումը,  ինչպես նաև  համայնքի ղեկավարի  առաջարկությունը  

ՄԵԾԱՄՈՐ ՀԱՄԱՅՆՔԻ ԱՎԱԳԱՆԻՆ ՈՐՈՇՈՒՄ Է 

1. Տալ համաձայնություն 2018  թվականի նոյեմբերի 14-ին  Թոռուն Ուսուբի Շամոյանին  վարձակալությամբ տրամադրված  Մեծամոր համայնքի սեփականությունը հանդիսացող, Մեծամոր համայնքի Եղեգնուտ գյուղում գտնվող գյուղատնտեսական   նշանակության  1,0 հա (ծածկագիր 04-039-0261-0014)  հողամասը ենթավարձակալությամբ  տրամադրելու Ռաֆիկ Ռադիկի Սաֆարյանին՝   վարձակալի հետ կնքված պայմանագրի պայմաններով:

2.Սահմանել, որ.

1)ենթավարձակալության պայմանագիրը չի կարող կնքվել անշարժ գույքի վարձակալության՝ 2018  թվականի նոյեմբերի 14-ին կնքված պայմանագրի ժամկետը գերազանցող ժամկետով:

2) Վարձակալության վճարն անհրաժեշտ է վճարել Հայաստանի Հանրապետության ֆինանսների նախարարության 900335215050 հաշվեհամարին.

3)  վարձակալության վճար է սահմանվում

1,0 հա հողամասի համար՝ տարեկան 30000 ( երեսուն հազար) ՀՀ  դրամ,

3. Ենթավարձակալության պայմանագրերի նկատմամբ կիրառվում են վարձակալության պայմանագրի կանոնները:   

4. Սույն որոշումն ուժի մեջ է մտնում ընդունման պահից: